Natteravnane i Odda: Startskot for vårsesongen

Natteravning handlar om å vera til stades for born og unge når dei ferdas ute på kvelds- og nattetid, ta ansvar og vise medmenneskeleg omsorg når dei unge treng det.

Saman kan vi vera med på å skapa tryggleik, trivsel og tilhørigheit i vårt lokalsamfunn slik at born og unge får ein tryggare oppvekst.

Som natteravn får du anledning til å diskutera med og læra av andre foreldre. Du får eit innblikk i dei unge sin verden utanfor heimen sine trygge veggar, og du får meir kunnskap om kva dei unge er opptatt av.

Har du lyst å bidra? Ein laurdag i halvåret går du saman med 2-3 andre ravnar i Odda sentrum frå kl. 23.30 i ca. 2-3 timer. Odda Frivilligsentral sender ut vaktlister samt påminning på SMS nokre dagar før det er din tur.

Ta kontakt med oss på telefon 47512152 eller på mail til frivillig@ullensvang.kommune.no om du vil vera med på laget!