Vorspiel til Hardanger Spillfestival: SPILL-KVELD

Kvar torsdag fram mot Hardanger Spillfestival arrangerer vi Spillkveldar på frivilligsentralen frå kl. 18.00 - 20.00.

16. - 19. mars braker det endeleg laus igjen! Hardanger Spillfestival (www.spillfest.no) er endeleg tilbake, og 4 dagar til ende kan vi igjen boltra oss i utrulig mange spill og aktivitetar for folk i alle aldersgrupper - heilt gratis.

For at ventetida ikkje skal bli for lang, inviterer vi til Spillkveldar på frivilligsentralen kvar torsdag fram til festivalen byrjar. Mellom 18.00 - 20.00 kan du ta turen, og prøve ut nokre av dei 100 spela vi har. Kanskje eit slag kort kan friste, eller kva med bingo? Quiz og Kahoot står og på menyen om ein ynskjer det.

Så om du er 10 eller 100 år, ta gjerne turen innom - alle er velkomne! Kom åleina, kom med vener, kom med familie - det er opp til deg.

Og om du er nysjerrig på den etter kvart så store samlinga med spill vi har finn du dei opp nedanfor. Her er noko for alle: Frå det enkle til det avanserte og frå det hakkande galne til det seriøse. Med andre ord; noko for ein kvar smak. Og finn du ikkje din favoritt på lista, så må du gjerne ta med deg eigne spel.

Velkomen skal du vera!